Заедно можеме да направиме разлика
Се повеќе тимови во А1 работат на агилен начин за да можат брзо да реагираат на промените во пазарот. Промените не само што се забележани во рамките на тимовите, туку се и јасно видливи на работните места: потсетници залепени на ѕидовите, покани за прегледи и Obeya ѕидови. Во А1 Австрија, Карин Маирхофер е таа што интензивно работи на темата агилно работење и го шири низ целата компанија. Во отворен разговор, таа споделува како работи во зеленото поле на агилност, што ја мотивира и како се справува со предизвици.
»Брзи реакции кон промени, ориентирни кон целите и забава на работното место.«
Карин Маирхофер
Карин Маирхофер, Член на А1 тимот за транзиција кон агилност во А1 Австрија
Работам во агилен Тим – Тимот за транзиција кон агилност на А1 – или на кратко А2Т2. Ја поддржуваме трансформацијата кон агилност, организираме настани за свесност, го олеснуваме пренесувањето на знаење и ги поддржуваме тимовите на нивниот пат кон агилност. Веќе подолго време работам за А1 и сум среќна што пред една година одлучив да се придружам на А2Т2 тимот. Блиската соработка во тимот, што е од клучно значење за агилно работење, секојдневно ме мотивира и инспирира. Толку е различно од “нормалните” тимови со кои сум работела до сега.
Живеење и напредување со агилни вредности
Она што ме фасцинира за овој начин на работа е тоа што агилните тимови ги интернализираа агилните вредности и ги живеат толку природно. Отвореноста и транспарентноста покажуваат каде е потребно и можно подобрување. Почитувањето и храброста помагаат да постојат различни мислења и да се потпреме на изобилство на идеи и мислења за да може да се обидеме нешто ново. Во мојата поранешна улога како менаџер на проекти, искусив колку е вредна довербата: Пред неколку години, член на тимот предложи да започнам да работам со Scrum. Јас му верував на мојот тим и решив да се обидам – и се покажа одлично! Постигнавме огромен напредок со проектот.
Ширење на знаење
Работејќи со различни тимови, понекогаш се чувствувам како градинар што ја испушта и шири нејзината страст и знаење за агилното работење. Неодамна, кога работев со тим во центарот за повици или додека пишував кориснички приказни во Менаџмент со снабдувачки синџири, почувствував колку е исполнета и мотивирачка оваа работа. Но, не ме сфаќајте погрешно: Агилните методи не се наменети само да ве забавуваат за време на вашиот работен ден (тоа е, секако, убав ефект ;) ), но тие се наменети за успех во бизнисот. Можеме да реагираме побрзо, да одговориме на повратни информации и да ги подобриме производите и услугите во пократки циклуси.
»Ако живеете според овие вредности, светот станува подобро место – за тоа сум сигурна.«
Градинарство без лопата или градинарски ракавици
Оваа година бев особено возбудена кога го организирав серијалот настани, Agile Garden со околу 150 учесници и посетители на секој настан. Патувајќи низ различните сезони од годината, го сееме семето на агилни вредности, простории и методи за да му помогнеме на растението на агилност да расте. Во лето се работеше за правилните хранливи материи кои се неопходни за самоорганизација. Ова е нешто за кое градинарите – водачите – се одговорни. Во есенското издание на Agile Garden, го славевме фестивалот на жетви со големите успеси во изминатите неколку месеци. Беше прекрасна прослава пред почетокот на Новата Година и пред да преземеме понатамошни чекори за возбудливото взаемно агилно патување во А1.
Неверојатно инспиративниот дух од оваа серија на настани произлегува од доброволниот придонес на учесниците – сите уживаат да бидат дел од настанот и среќно споделуваат искуства околу агилноста и агилното работење. Во иднина, би сакала да видам што е можно повеќе пчели кои носат нектар на агилност низ полињата на А1.
И, патем: Ако го прочитавте текстот до крај за да откриете што е Obeya ѕид, еве го решението: Obeya е јапонски збор за „голема просторија“ или „воена просторија“. За нас тоа значи колективно планирање на ѕид со цел зависностите да се направат транспарентни.